Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 87 Hüküm no: 62 Orijinal metin no: [12a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Bey b. Abdullah’ın rüesa ve azebân’ın üç aylık maaşlarına tahsis olunan parayı Pençik mukataası emininden aldığı Mahrûse-i Galata’da emîn olan fahrü’l-akrân Ali Bey b. Abdullah tarafından vech-i âtî üzere ikrâra vekîl-i şer‘î olan Şücâ‘ Reis b. Mehmed mahfil-i şer‘de ikrâr ve takrîr-i kelâm edip rüesâ ve azebân-ı hâssanın sene erba‘a ve sittîn ve tis‘a mi’e Receb’i ve Şa‘bân’ı ve Ramazân‘ı aylarında vâcib olan mevâcibi için Pençik mukāta‘asına emîn olan Mehmed Çelebi ve kâtibi Avraham nâm Yahudi tahvîlinden havâle olunan altmış beş bin akçe mezbûr müvekkilim emin-i mezbûr yedinden bî-kusûr alıp kabz eyledi dedikde mukırr-ı mezbûru cemî‘-i mâ-akarra bihîde mesfûr Mehmed Bey’in kaziyye-i mahkiyyeyi tasdîka vekîl-i şer‘îsi olan Mustafa b. Abdullah bi’l-müvâcehe tasdîk edip mâ-vaka‘a bi’t-taleb kayd olundu. Şuhûdü’l-hâl: Mehmed b. İlyas, Mehmed b. Osman, Ramazan b. ( ), Süleyman Çelebi er-reîs