Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 93 Hüküm no: 75 Orijinal metin no: [14a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Mehmed b. Yusuf’un mirasçıları karısı Emine bt. Mehmed ile oğlu ve kızının olduğu Mehmed b. Mustafa nâm sipâhî ve Murad b. Yusuf nâm silahdâr, emâcid-i ekârim defterdârlar nezdindeki dîvân-ı âlîye gelip fahrü’l-akrân Beytülmâl-i hâs emîni Hızır Çelebi b. İlyas ve kâtibi Mehmed Çelebi b. Nasuh mahzarlarında, Emine bt. Mehmed nâm hatundan asâleten ve kıbel-i şer‘den mansûb vasî olarak babası bundan akdem vefât eden Yusuf nâm sagīr oğlu kıbelinden vesâyeten ve şâhideyn-i mezkûreynin şehâdetleri ile vekâleti sâbit olarak Hatice bt. Mehmed nâm bâliğa kızı tarafından vekâleten sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘iye-i mezbûre ve sagīr-i mesfûr ve müvekkile-i mezkûre, mahrûse-i Haleb’de sefer halindeyken kaldığı Ebruk Hanı’nda bundan akdem fevt olan ve vefâtı anında yanında bulunan Hüseyin’deki muhallefâtı İbrahim b. Ali yediyle Hazîne-i âmireye -ammera’llâhü te‘âlâ- vâsıl olan Mehmed b. Yusuf’un vârisleridir. Şu cihetle ki, müdde‘iye-i mesfûre müteveffâ-yı mezbûr öldüğünde taht-ı nikâhında bulunan zevcesidir, sagīr-i merkūm müteveffânın sulbî oğludur, müvekkile-i mezkûre ise müteveffânın sulbiyye kızıdır. Verâseti onlara münhasırdır. Onlardan gayrı vârisi ma‘lûmumuz değildir. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim-i muvakkı‘ a‘lâhu hükmen sahîhan şer‘iyyen mûcebince hükmetti. Şuhûdü’l-hâl: Hasan b. Abdullah ve İbrahim b. İskender