Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 94 Hüküm no: 76 Orijinal metin no: [14a-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Devlet bt. Abdullah ve Nâzenin bt. Abdullah’ın, vefât eden ve terekesi Beytülmâl tarafından zabt edilen kocaları Mustafa’da mehr-i müeccel alacağı olduğu Mahmiye-i Kostantıniyye mahallâtından Emîn Sinan mahallesinden el-Hâc Ferruh b. Abdullah ve yine mahalle-i mezkûreden Mevlânâ Mahmud b. Mustafa el-imâm nâm kimseler emâcid-i ekârim defterdârlar nezdindeki dîvân-ı âlîye gelip fahrü’l-akrân Beytülmâl-i hâs emîni Hızır Çelebi b. İlyas ve kâtibi Mehmed Çelebi b. Nasuh mahzarlarında, Devlet bt. Abdullah ve Nâzenin bt. Abdullah’tan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘iyeteyn-i mezkûreteynin, bundan akdem taht-ı nikâhında iken mahalle-i mezkûrede fevt olan ve muhallefâtı Beytülmâl-i mezbûr tarafından zabt edilen Mustafa b. Sinan nâm zevclerinin zimmetinde mehr-i müeccelleri cihetinden üç yüz akçesi mezbûre Devlet’e, beş yüz akçesi mesfûre Nâzenin’e olmak üzere cem‘an sekiz yüz akçe-i Osmanî hakları vardır. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim-i muvakkı‘ a‘lâhu dâme izzuhû ve alâhu, müdde‘iyeteyn-i mezbûreteyne meblağ-ı mezkûru almadıklarına, hibe etmediklerine, havâle etmediklerine, bi-vechin mine’l-vücûh haklarının kısmen veya tamâmen sâkıt olmadığına dâir yemîn verip meblağ-ı merkûmun edâsına hükmetti. Şuhûdü’l-hâl: Fahrü’l-akrân Ali Bey el-emîn ve Ramazan b. Abdullah ve el-Hâc Ahmed b. Mehmed