Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 98 Hüküm no: 86 Orijinal metin no: [16a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kapıcı Hasan Evkafı’nın, terekesi Beytülmâl tarafından zabt edilen Mahmud b. Abdullah’ta mu‘âmele-i şer‘iyyeden alacağı olduğu Mahmiye-i Kostantıniyye mahallâtından Hacı Hasan mahallesinden Nasuh b. Abdullah ve yine mahmiye-i mezbûre mahallâtından Hacı Ahmed mahallesinden Mehmed b. Mustafa nâm kimseler, emâcid-i ekârim defterdârlar nezdindeki dîvân-ı âlîye gelip fahrü’l-akrân Beytülmâl-i hâs emîni Hızır Çelebi b. İlyas ve kâtibi Mehmed Çelebi b. Nasuh mahzarlarında, Kapıcı Hasan Evkāfı mütevellîsi Ahmed b. Karaca’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, vakf-ı mezbûrun, bundan akdem mahmiye-i mezbûre mahallâtından Dâye Hatun mahallesinde fevt olan ve muhallefâtı Beytülmâl-i mezbûr tarafından zabt edilen Mahmud b. Abdullah’ın zimmetinde mu‘âmele-i şer‘iyye cihetinden tâmmü’l-vezn sahîhü’l-ayâr yüz on altı altın sikke hakkı vardır. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim-i muvakkı‘ a‘lâhu dâme izzuhû ve alâhu, müdde‘î-yi mezbûra meblağ-ı mezkûru almadığına, hibe etmediğine, havâle etmediğine, bi-vechin mine’l-vücûh hakkının kısmen veya tamamen sâkıt olmadığına dâir yemîn verip meblağ-ı merkûmun edâsına hükmetti. Fî 11 Zilka‘de sene 964 Şuhûdü’l-hâl: Mevlânâ Kasım Fakıel-imâm ve Hacı Hasan b. Hacı