Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 99 Hüküm no: 87 Orijinal metin no: [16a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacı Hasan b. Hacı’nın, terekesi Beytülmâl tarafından zabt edilen Mahmud b. Abdullah’ta kumaş bedelinden alacağı olduğu Mahmiye-i Kostantıniyye mahallâtından Hacı Nasuh mahallesinden Nasuh b. Abdullah ve yine mahalle-i mezbûreden Ahmed b. Mustafa nâm kimseler, emâcid-i ekârim defterdârlar nezdindeki dîvân-ı âlîye gelip fahrü’l-akrân Beytülmâl-i hâs emîni Hızır Çelebi b. İlyas ve kâtibi Mehmed Çelebi b. Nasuh mahzarlarında, Hacı Hasan b. Hacı’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezbûrun, bundan akdem mahmiye-i mezbûre mahallâtından Dâye Hatun mahallesinde fevt olan ve muhallefâtı Beytülmâl-i mezbûr tarafından zabt edilen Mahmud b. Abdullah’ın zimmetinde müşterâ-yı makbûz kumaş bahâsından râyicü’l-vakt iki bin altı yüz altmış akçe hakkı vardır. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim-i muvakkı‘ a‘lâhu dâme izzuhû ve alâhu, müdde‘î-yi mezbûra meblağ-ı mezkûru almadığına, hibe etmediğine, havâle etmediğine, bi-vechin mine’l-vücûh hakkının kısmen veya tamamen sâkıt olmadığına dâir yemîn verip meblağ-ı merkûmun edâsına hükmetti. Fî 11 Zilka‘de sene 964 Şuhûdü’l-hâl: Ahmed b. Kara[ca] ve el-Hâc Nasuh b. Abdullah