Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 107 Hüküm no: 109 Orijinal metin no: [18b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali b. Mustafa’nın vârislerinin kızı Gevher Hatun ve kız kardeşi Ayşe Hatun olduğu Silâhdâr Ali Bey b. Hızır ve sipâhî Mehmed b. Mustafa nâm kimseler, emâcid-i ekârim defterdârlar nezdindeki dîvân-ı âlîye gelip fahrü’l-akrân Beytülmâl-i hâs emîni Hızır Çelebi b. İlyas ve kâtibi Mehmed Çelebi b. Nasuh mahzarlarında, Gevher Hatun bt. Ali nâm sagīre kıbelinden vesâyeti şâhideyn-i mezkûreynin şehâdetleriyle sâbit olarak vesâyeten ve Âişe bt. Mustafa kıbelinden vekâleti şâhideyn-i mezkûreynin şehâdetleriyle sâbit olarak vekâleten Ahmed b. Mehmed’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, sagīre-i mezbûre Gevher Hatun ve müvekkile-i mastûre Âişe Hatun, bundan akdem mahmiye-i Edirne tevâbi‘inden Surgöz karyesinde fevt olan ve muhallefâtı Beytülmâl-i mezbûr tarafından zabt edilen Ali b. Mustafa’nın vârisleridir. Şu cihetle ki, mezbûre Gevher Hatun müteveffâ-yı mezkûrun sulbî kızıdır. Merkūme Âişe de onun ana-baba bir kız kardeşidir. Onlardan gayrı vârisi ma‘lûmumuz değildir. Şehâdeten şer‘iyyeten makbûleten gıbbe ri‘âyeti şerâiti’l-kabûl. Hâkim-i muvakkı‘ a‘lâhu mûcebince hükmetti. Fî 18 Zilhicce sene 964 Şuhûdü’l-hâl: Ahmed b. Süleyman, Timur b. Mahmud, İbrahim b. Hamza