Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 109 Hüküm no: 116 Orijinal metin no: [19b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Veli b. Abdullah’ın, mallarına Mehmed b. Abdullah’ı vasî nasbetmiş olduğu Hüsâm b. Kasım ve Nasuh b. Abdullah nâm kimseler emâcid-i ekârim defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Hızır Çelebi b. İlyas ve kâtibi Mehmed Çelebi b. Nasuh mahzarlarında, Mehmed b. Abdullah’tan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, bundan akdem mahmiye-i mezkûre mahallâtından Zeyrek mahallesinde fevt olan ve muhallefâtı Beytülmâl-i mezbûr tarafından zabt edilen Veli b. Abdullah hâl-i hayâtı ve kemâl-i aklında müdde‘î-i mezbûru emvâlinin zabtına ve vasiyetinin tenfîzine vasî nasbetti o da vesâyet-i merkūmeyi kabul etti. Sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye. Cerâ zâlike ve hurrire fî 15 Zilhicce sene 964 Şuhûdü’l-hâl: ( )