Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 110 Hüküm no: 118 Orijinal metin no: [19b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hasan b. Ahmed’in, terekesi Beytülmâl tarafından zabt edilen Ahmed b. Abdullah’ın oğlu ve vârisi olduğu Mahmiye-i Kostantıniyye mahallâtından Oruc Gazi mahallesinden Tayyib b. Ramazan ve yine mahalle-i mezkûreden İmâm Abdurrahman b. Latif Hoca nâm kimseler emâcid-i ekârim defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Hızır Çelebi b. İlyas ve kâtibi Mehmed Çelebi b. Nasuh mahzarlarında, Hasan b. merhûm Ahmed nâm sagīr kıbelinden vesâyeti, şuhûd-i mezkûrûnun şehâdetleri ile sâbit olduktan sonra vesâyeten Hümâ bt. Hasan’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, sagīr-i mezkûr Hasan, bundan akdem mahalle-i mezkûrede fevt olan ve muhallefâtı Beytülmâl-i mezbûr tarafından zabt edilen Ahmed b. Abdullah’ın vârisidir. Şu cihetle ki, sagīr-i mezbûr Hasan müteveffâ-yı merkum Ahmed’in sulbî oğludur. Ondan gayrı vârisi ma‘lûmumuz değildir. Sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye mûcebince hükmedildi. Fî 19 Zilhicce sene 964 Şuhûdü’l-hâl: Mustafa b. Hasan ve Ahmed b. Bekir