Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 111 Hüküm no: 119 Orijinal metin no: [20a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Cafer Ağa b. Abdullah’ın, evini, çiftlik hayvanlarını ve iki kölesini Hüsrev Çelebi b. Ahmed’e sattığı ve mezradaki hakk-ı tasarrufunu tefvîz ettiği Cafer Ağa b. Abdullah kıbelinden âti’z-zikr bey‘i ikrâra ve kabz-ı semene vekâleti Hasan Bey b. Ferhad ve Piyale Bey b. Abdullah’ın şehâdetleri ile sâbit olan Mevlânâ Mehmed b. Ahmed meclis-i şer‘-i şerîfe gelip şöyle ikrâr eyledi ki, müvekkil-i mezbûru Cafer Ağa, havâss-ı mahmiye-i Kostantıniyye tevâbi‘inden Betnuhur nâm karyede vâki‘, aralarında sofa, üzerlerinde oda bulunan tahtânî iki hâneyi, fırını, ahırı, odayı, mecrâ-i mâyı müştemil olan ve şöhretinden sebeb tahdîdden müstağnî bulunan cemî‘ menzilini ve Rusiyyetü’l-asl Devlet nâm câriyesini ve Macariyyü’l-asl Şîrmerd nâm gulâmı, dokuzu inek olmak üzere on dokuz baş sığırı ve bir tava, sahan ve tepsiyi râyicü’l-vakt on beş bin akçe semen-i mu‘ayyen-i makbûz ile hâmil-i kitâb Hüsrev Çelebi b. Ahmed’e bey‘ etti. O da iştirâ eyledi. Vekîl-i mezkûr sonra vekâlet-i mahkiyesi hasebiyle müvekkilinin mu‘addün li’z-zirâ‘a mezra‘ ve bostanlarındaki senevî üç yüz akçe kıymetindeki cemî‘ hakk-ı tasarrufunu müşterî-yi mezbûra tefvîz etti. Vâki‘ ikrâr müşterî-i mesfûr tarafından bi’l-müvâcehe tasdîk edildi. Fî 18 Zilhicce sene 964 Şuhûdü’l-hâl: İbrahim Bey el-muhzır, Hüseyin el-muhzır, Mehmed b. Ahmed, Süleyman b. Hasan, Hasan b. Yusuf