Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 112 Hüküm no: 122 Orijinal metin no: [20b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haydar Çelebi’nin, terekesi Beytülmâl’e intikal eden Cihân Hatun’un kocası ve vârisi olduğu Mahmiye-i Kostantıniyye’de vâki‘ Hüsâm Ağa mescidi müezzini Hasan b. Abdullah ve Silahdâr Mustafa b. Hamza nâm kimseler, emâcid-i ekârim defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Hızır Çelebi b. İlyas ve kâtibi Mehmed Çelebi b. Nasuh mahzarlarında, Haydar Çelebi b. Bâb kıbelinden da‘vâ ve kabza vekâleti şâhideyn-i mezkûreynin şehâdetleri ile sâbit olan Derviş b. Bâli’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müvekkil-i mezbûr Haydar Çelebi, bundan akdem mahmiye-i mezbûre mahallâtından Hobyar mahallesinde fevt olan ve muhallefâtı Beytülmâl-i mezbûra intikal eden Cihân Hatun bt. Mahmud’un vârisidir. Şu cihetle ki, müvekkil-i mezbûr Haydar Çelebi, müteveffât-ı mezkûrenin zevcidir. Ondan gayrı vârisi ma‘lûmumuz değildir. Şehâdeten şer‘iyyeten makbûleten gıbbe ri‘âyeti şerâiti’l-kabûl. Hâkim-i muvakkı‘ a‘lâhu mûcebince hükmetti. Şuhûdü’l-hâl: Mehmed b. Abdullah ve Mustafa b. Mehmed