Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 113 Hüküm no: 123 Orijinal metin no: [20b-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Cafer b. Abdullah’ın vârislerinin iki çocuğu olduğu Mahmud b. Hamza ve Ali b. Mirzâ nâm kimseler emâcid-i ekârim defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Hızır Çelebi b. İlyas ve kâtibi Mehmed Çelebi b. Nasuh mahzarlarında, Cafer b. Abdullah’ın Mustafa ve Mehmed nâm sagīreynine vesâyeti şâhideyn-i mezkûreynin şehâdetleri ile sâbit olan vasî Siyâmî bt. Mezid’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, sagīreyn-i mezbûreyn, bundan akdem kasaba-i Erzurum’da fevt olan ve muhallefâtı Beytülmâl-i mezbûr tarafından zabt edilen Cafer b. Abdullah’ın vârisleridir. Şu cihetle ki, sagīreyn-i mezkûreyn müteveffâ-yı merkūmun sulbî oğullarıdır. İkisinden gayrı vârisi ma‘lûmumuz değildir. Şehâdeten şer‘iyyeten makbûleten gıbbe ri‘âyeti şerâiti’l-kabûl. Hâkim-i muvakkı‘ a‘lâhu mûcebince hükmetti. Şuhûdü’l-hâl: Mahmud b. Hasan, Nasuh b. Abdullah