Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 123 Hüküm no: 149 Orijinal metin no: [23b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe bt. Mustafa’nın, terekesi Beytülmâl tarafından zabt edilen Mustafa b. Resûl’ün kızı ve vârisi olduğu Mahmiye-i Kostantıniyye mahallâtından Garîb Yiğitler Ağası mahallesi sükkânından Cafer b. Abdullah yaya ve Mustafa b. Abdullah yaya ve Murad b. Abdullah yaya ve Mehmed b. Yunus es-sipâhî ve Mehmed b. Mustafa el-müezzin ve mahmiye-i mezkûre mahallâtından Şücâ‘ Ahmed mahallesinden Hüsrev b. Abdullah el-müezzin nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Hızır Çelebi b. İlyas ve kâtibi Mehmed Çelebi b. Nasuh mahzarlarında, Garîb Yiğitler Ağası mahallesinde fevt olan ve muhallefâtı Beytülmâl-i mezbûr tarafından zabt edilen kasaba-i Görice’den …? Mustafa’nın kızı Âişe bt. Mustafa b. Resûl kıbelinden irs da‘vâsına ve mâl-ı mevrûsu kabza vekâleti şâhideyn-i mezkûreynin şehâdetleri ile sâbit olan Körükçübaşı mahallesinde sâkin Receb b. İlyas’tan vekâleten sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müvekkile-i mezbûre Âişe, müteveffâ-yı mezkûr Mustafa’nın sulbiyye kızıdır. Verâseti ona münhasırdır. Ondan gayrı vârisi ma‘lûmumuz değildir. Şehâdeten şer‘iyyeten makbûleten gıbbe ri‘âyeti şerâiti’l-kabûl. Hâkim-i muvakkı‘ a‘lâhu mûcebince hükmetti. Bu hüküm günün kasaba-i mezkûre kādısı Mevlânâ Yusuf b. el-Hâc İbrahim kıbelinden verilmiş ve mazmûnu bi-mâ hüve tarîku’s-sübût şer‘an sâbit ve kaziyye-i mezkûreye mutâbık kitâb-ı hükmînin ibrâzıyla verildi. Cerâ fî 13 Zilhicce sene 964 Şuhûdü’l-hâl: Çavuş Hayreddin b. Abdullah, Mustafa Çelebi b. Süleyman mütevellî-yi Sultan Selim, Hasan b. Abdullah es-sipâhî, Hasan b. Ali el-mi‘mâr, Ahmed? b. Bâli ve gayruhüm