Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 129 Hüküm no: 161 Orijinal metin no: [25b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Göncü Mehemmed b. Hamza’nın vârisinin erkek kardeşi olduğu Veli b. Hamza ve Mustafa b. Yusuf nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Hızır Çelebi b. İlyas ve kâtibi Mehmed Çelebi b. Nasuh mahzarlarında, Foça kazası tevâbi‘inden Berazçene karyesinden Baba b. Hamza b. Bojdar’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezkûr, bundan akdem mahrûse-i Edirne mahallâtından Mihal mahallesinde fevt olan ve muhallefâtı Beytülmâl-i mezbûr tarafından zabt edilen karye-i mezkûre sükkânından Göncü Mehemmed b. Hamza b. Bojdar’ın vârisidir. Şöyle ki, müdde‘î-yi mezkûr, müteveffâ-yı merkūmun kardeşidir. Verâseti ve terekesi ona münhasırdır. Ondan gayrı vârisi ma‘lûmumuz değildir. Şehâdeten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim-i muvakkı‘ a‘lâhu şehâdetleri mûcebince hükmetti. Bu hüküm günün kasaba-i mezkûre kādısı Mevlânâ Ahmed kıbelinden verilmiş ve mazmûnu bi-mâ hüve tarîku’s-sübût şer‘an sâbit ve kaziyye-i mezkûreye mutâbık kitâb-ı hükmînin ibrâzıyla verildi. Cerâ zâlike ve hurrire fî 19 Muharrem sene 965 Şuhûdü’l-hâl: Cafer b. Yusuf, Hüseyin b. İnehan