Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 132 Hüküm no: 168 Orijinal metin no: [26b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Hüseyin b. Musa’nın vârisinin erkek kardeşi olduğu Mevlânâ Hayreddin b. Şemseddin ve Mehmed b. Abdülkadir el-Halebî, emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Hızır Çelebi b. İlyas ve kâtibi Mehmed Çelebi b. Nasuh mahzarlarında, Gerger kazâsı tevâbi‘inden Deyresho karyesinden Hüseyin b. Musa kıbelinden da‘vâ ve kabza vekâleti şâhideyn-i mezkûreynin şehâdetleri ile sâbit olan el-Hâc Bekir b. el-Hâc Musa’dan vekâleten sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müvekkil-i mezkûr Hüseyin, bundan akdem mahmiye-i mazbûre mahallâtından Mustafa Bey mahallesinde fevt olan ve muhallefâtı Beytülmâl-i mezbûr tarafından zabt edilen Mevlânâ Hüseyin b. Musa’nın vârisidir. Şöyle ki müdde‘i-yi mezkûr, müteveffâ-yı merkūmun ana-baba bir erkek kardeşidir. Verâseti ona münhasırdır. Ondan gayrı vârisi ma‘lûmumuz değildir. Şehâdeten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim-i muvakkı‘ a‘lâhu şehâdetleri mûcebince hükmetti. Bu hüküm günün kasaba-i mezkûre kādısı Mevlânâ Abdülcelîl b. Hızır kıbelinden verilmiş ve mazmûnu bi-mâ hüve tarîku’s-sübût şer‘an sâbit ve kaziyye-i mezkûreye mutâbık kitâb-ı hükmînin ibrâzıyla verildi. Cerâ zâlike ve hurrire fî 25 Muharrem sene 965 Şuhûdü’l-hâl: Süleyman b. Ahmed, el-Hâc Ali b. Seyfi ve el-Hâc Semih b. Durabdal