Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 133 Hüküm no: 170 Orijinal metin no: [26b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ustrumca’da tapuya müstahak çayırların Ahmed b. Mehmed tarafından Pir Mehmed Bey’e satışı Oldur ki, Ahmed b. Mehmed nâm timarî meclis-i şer‘-i şerîfe gelip Pir Mehmed b. ( ) mahzarında ikrâr ve takrîr-i kelâm edip taht-ı timarında kazâ-i Ustrumca tevâbi‘inden Bukrançeva nâm karye sınırında vâki‘ olup ma‘lûmü’l-hudûd olmağla tahdîdden ve ta‘yînden mustağnî olan üç kıt‘a çayır kānûn-ı pâdişâhî üzere tapuya müstahak olduğu ecilden işbu hâmilü’l-hurûf Pir Mehmed Bey nâm sipâhînin sekiz yüz akçe resm-i tapusun alup verdim ki min ba‘d mutasarrıf olup kimesne mâni‘ ve dâfi‘ olmaya dedikde mukırr-ı mezbûr mukarrun-leh mezbûr cemî‘-i mâ-akarra bihîde tasdîk edip mâ-vaka‘a bi’t-taleb kayd olundu. Tahrîren fî evâhiri Muharremi’l-haram li-sene hamse ve sittîn ve tis‘a mi’e, sene 965.