Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 136 Hüküm no: 179 Orijinal metin no: [27b-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Kamer bt. Abdullah’ın vârisinin kocası Hasan olduğu Mehmed b. Hamza ve Haydar b. Hızır nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Hasan b. Abdullah’tan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezbûr, bundan akdem mahmiye-i Edirne mahallâtından Tarakçı mahallesinde fevt olan ve muhallefâtı Beytülmâl-i mezkûr tarafından zabt edilen Kamer bt. Abdullah’ın vârisidir. Şöyle ki, müdde‘î-yi mezbûr Hasan, müteveffât-ı merkūmenin öldüğünde taht-ı nikâhında bulunan zevcidir. Verâseti ona münhasırdır. Ondan gayrı vârisi ma‘lûmumuz değildir. Şehâdeten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim-i muvakkı‘ a‘lâhu şehâdetleri mûcebince hükmetti. Cerâ zâlike ve hurrire fî 13 Saferi’l-hayr sene 965 Şuhûdü’l-hâl: Hasan b. Musa, Yusuf b. İbrahim