Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 138 Hüküm no: 183 Orijinal metin no: [28a-2, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Paşa’nın Macar asıllı kölesini âzâd ettiği Hasan Ağa b. Abdullah ve Pervâne b. Abdullah el-hurru nâm kimseler meclis-i şer‘a hâzırân olup zahrü’l-a‘yân Mahmud Bey b. merhûm Mehmed Paşa -tâbe serâhu- kıbelinden da‘vâ ve husûmete vekâleti şâhideyn-i mezkûreynin şehâdetleri ile sâbit olan fahrü’l-akrân Mehmed Kethüdâ b. Abdülmennân mahzarında, Macariyyü’l-asl, çatık kaşlı, mühür gözlü, orta boylu, Cafer b. Abdullah’tan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müteveffâ-yı mûmâ ileyh merhûm Mehmed Paşa hâl-i hayâtı ve kemâl-i sıhhati ve aklında iken müdde‘î-yi mezbûr Cafer nâm abd-i memlûkini hasbeten lillâhi’l-azîm ve taleben li-marzâtihî âzâd ve tahrîr eyledi. Şehâdeten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim-i muvakkı‘ a‘lâhu şehâdetleri mûcebince hükmetti. Şuhûdü’l-hâl: Hasan Ağa b. Abdullah, Süleyman Ağa b. Abdullah, Hüseyin Ağa b. Abdullah, Ali Kethüdâ b. Abdullah