Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 139 Hüküm no: 184 Orijinal metin no: [28a-3, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Râbia bt. Sinan’ın vârislerinin iki oğluyla kocası olduğu Habib b. Mustafa ve Hasan b. Abdullah ve Süleyman b. Abdullah nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Mustafa b. Bâli’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-i mezbûr, bundan akdem mahrûse-i Edirne mahallâtından Yıldırım Han mahallesinde fevt olan ve muhallefâtı Beytülmâl-i mezbûr tarafından zabt edilen merhûme Râbia bt. Sinan’ın vârisidir. Şu cihetle ki müdde‘î-yi mezbûr, müteveffât-ı merkūmenin sadrî oğludur. Verâseti ona ve terekeden kendisine intikal eden hissesini almış bulunan kardeşi Mehmed’e ve müteveffât-ı mezbûrenin zevci Buhari Hoca b. Abdullah’a münhasırdır. Onlardan gayrı vârisi ma‘lûmumuz değildir. Şehâdeten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim-i muvakkı‘ a‘lâhu şehâdetleri mûcebince hükmetti. Cerâ zâlike ve hurrire fî 27 Saferi’l-hayr sene 965 Şuhûdü’l-hâl: Dulkadir b. Ali ve Mustafa b. Kasım ve Memi b. Hasan