Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 141 Hüküm no: 190 Orijinal metin no: [29a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf b. Abdi Hoca’nın babasının muhallefatından dolayı Hulumiç kadısı Hüsrev Çelebi üzerene açtığı davadan vazgeçtiği Oldur ki, Livâ-i Mora’da Holomiç kazâsına tâbi‘ Gomroz nâm karyede fevt olan Abdi Hoca’nın sulbî oğlu olan Yusuf nâm kimesne meclis-i şer‘-i şerîfde, sâbıkan] hâliyâ Ballıbadra ve Holomuç kādısı olan Hüsrev Çelebi mahzarında bi’t-tav‘ ikrâr ve i‘tirâf edip müteveffâ olan babam Abdi Hoca’nın muhallefâtı beyne’l-verese taksîm olunmak için yazılıp defter olundukda iki yüz kırk bin akçelik muhallefâtı zâhir olup kısmet olundukda kazaskere âid ve râci olan resm için mevlânâ-yı mezbûr sâbıkâ Rumeli kazaskeri olan Abdurrahman Çelebi Efendi’ye teslîm eylemek için muhallefâtdan altmış sikke filori resm-i kısmet alıp mezkûr kazasker Abdurrahman Çelebi’ye teslîm eylemiş idi hâliyâ mevlânâ-yı mezbûr Hüsrev Çelebi’nin zimmetini cemî‘ de‘âvîden husûsen altmış sikke filori da‘vâsından ibrâ ve ıskāt eyledim min ba‘d da‘vâ edersem inde’l-hükkâm mesmû‘ olmaya dedikde mukırr-ı mezbûru mukarrun-leh bi’l-müvâcehe tasdîk edip bi’t-taleb kayd olundu. [Fî] 25 Safer sene 965 Şuhûdü’l-hâl: Yusuf Çelebi b. Mustafa, Abdülkādir Çelebi b. Hasan, Turali b. Murad ve Bilal b. Ali.