Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 142 Hüküm no: 191 Orijinal metin no: [29b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Murad b. Valaş’ın vârisinin kardeşi olduğu Mustafa b. Hamza ve Nasuh b. Yusuf nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Arnavud Belgradı’ndan Yusuf b. Valaş b. Gin nâm yayadan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezbûr, bundan akdem mahrûse-i Kostantıniyye’de vâki‘ Manisa Çelebisi mahallesindeki odalarda fevt olan ve muhallefâtı Beytülmâl-i mezbûr tarafından zabt edilen Murad b. Valaş b. Gin’in usûbet-i nesebiyye cihetiyle vârisidir. Şu cihetle ki müdde‘î-yi mezbûr, müteveffâ-yı merkūmun kardeşidir. Verâseti ve terekesi ona münhasırdır. Ondan gayrı vârisi ma‘lûmumuz değildir. Şehâdeten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim-i muvakkı‘ a‘lâhu şehâdetleri mûcebince hükmetti. Bu hüküm günün kasaba-i mezkûre kādısı Mehmed b. Ahmed kıbelinden verilmiş ve mazmûnu bi-mâ hüve tarîku’s-sübût şer‘an sâbit ve kaziyye-i mezkûreye mutâbık kitâb-ı hükmînin ibrâzıyla verildi. Cerâ zâlike ve hurrire fî 3 Rebî‘ülevvel sene 965 Şuhûdü’l-hâl: Habib b. Rıza ve Dede b. Ahmed ve Mustafa b. Abdullah