Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 144 Hüküm no: 196 Orijinal metin no: [30a-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Hatice bt. Abdullah’ın vârisinin kocası Mustafa olduğu Mustafa b. Hasan ve Ali b. Hüseyin nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Mustafa b. Musa’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezbûr, bundan akdem mahmiye-i mezbûre mahallâtından Murad Paşa mahallesinde fevt olan ve muhallefâtı Beytülmâl-i mezbûr tarafından zabt edilen Hatice bt. Abdullah vârisidir. Şu cihetle ki, müdde‘î-yi mezbûr, müteveffât-ı mezkûre öldüğünde taht-ı nikâhındaki zevcidir. Verâseti ve terekesi ona münhasırdır. Ondan gayrı vârisi ma‘lûmumuz değildir. Şehâdeten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim-i muvakkı‘ a‘lâhu şehâdetleri mûcebince hükmetti. Cerâ zâlike ve hurrire fi’l-yevmi’s-sâdis ve’l-ışrîn min-Zilhicce sene 964 Şuhûdü’l-hâl: Halil b. İskender, Osman b. Ali