Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 145 Hüküm no: 197 Orijinal metin no: [30b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen el-Hâc Ali b. Turmuş’un vârisinin erkek kardeşi Hamza olduğu Mahrûse-i Edirne mahallâtından Attâr Muharrem mahallesi sâkinlerinden Mehmed b. Mustafa ve Mustafa b. Gazi nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Aydın livâsında vâki‘ Yeni Şehir kazâsı tevâbi‘inden Güzelce Börekli diye ma‘rûf karye ehlinden Hamza b. Turmuş b. Hamza’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezbûr, bundan akdem fevt olan ve muhallefâtı Beytülmâl-i mezbûr tarafından zabt edilen el-Hâc Ali b. Turmuş b. Hamza’nın usûbe-i nesebiyye cihetiyle vârisidir. Şöyle ki, müdde‘î-yi mezbûr, müteveffâ-yı mezkûrun ana-baba bir erkek kardeşidir. Verâseti ve terekesi ona münhasırdır. Ondan gayrı vârisi ma‘lûmumuz değildir. Şehâdeten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim-i muvakkı‘ a‘lâhu şehâdetleri mûcebince hükmetti. Bu hüküm günün kasaba-i mezkûre kādısı Mevlânâ Cemal b. Musa kıbelinden verilmiş ve mazmûnu bi-mâ hüve tarîku’s-sübût şer‘an sâbit ve kaziyye-i mezkûreye mutâbık kitâb-ı hükmînin ibrâzıyla verildi. Cerâ zâlike ve hurrire fî 5 Rebî‘ülevvel sene 965 Şuhûdü’l-hâl: Mehmed b. Musa, İshak b. Hamza, Bâli Bey b. Abdullah