Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 147 Hüküm no: 201 Orijinal metin no: [31a-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen Hafsa bt. Mehmed’in vârisinin kardeşi Musa olduğu Hamza b. Abdurrahman ve Abdülbârî nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Edirne kazâsı tevâbi‘inden Süleyman Danişmend karyesi sâkinlerinden Musa b. Mehmed’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘î-yi mezkûr, bundan akdem mahmiye-i mezbûre mahallâtından Tursun mahallesinde fevt olan ve muhallefâtı Beytülmâl-i mezbûr tarafından zabt edilen Hafsa bt. Mehmed’in usûbe-i nesebiyye cihetiyle vârisidir. Şöyle ki, müdde‘î-yi mezbûr, müteveffât-ı mezkûrenin ana-baba bir erkek kardeşidir. Verâseti ona münhasırdır. Ondan gayrı vârisi ma‘lûmumuz değildir. Şehâdeten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim şehâdetleri mûcebince hükmetti. Fî 14 Rebî‘ülevvel sene 965 Şuhûdü’l-hâl: Mehmed b. İshak, Mehmed b. Salih, Halil b. Hızır ve gayruhüm mine’l-hâzırîn