Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 157 Hüküm no: 229 Orijinal metin no: [34b-1, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kamer bt. Abdullah’ın, terekesi Beytülmâl tarafından zabt edilen kocasında mehr-i müeccel alacağı kaldığı Hamza b. Abdullah ve Mehmed b. Mahmud nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Kamer bt. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘iye-i mezbûre Kamer Hatun’un bundan akdem mahrûse-i Edirne mahallâtından Emirşâh mahallesinde fevt olan ve muhallefâtı Beytülmâl-i mezbûr tarafından zabt edilen Kilârî Sinan b. Abdullah’ın zimmetinde mehr-i müeccel-i cihetinden iki bin akçe hakkı vardır. Öldüğünde taht-ı nikâhındaki zevcesi idi. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim, müdde‘iye-i mezbûreye meblağ-ı mezkûru almadığına, hibe etmediğine, havâle etmediğine, bi-vechin mine’l-vücûh ve sebebin mine’l-esbâb hakkının kısmen veya tamamen sâkıt olmadığına dâir yemîn verip meblağ-ı merkūmun edâsına hükmetti. Cerâ zâlike ve hurrire fî 5 Rebî‘ülâhir sene 965 Şuhûdü’l-hâl: Cafer b. Tursun, Mehmed b. Ahmed, Bâli Bey b. Abdullah