Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 166 Hüküm no: 249 Orijinal metin no: [36b-4, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mihr bt. Abdullah’ın, terekesi Beytülmâl tarafından zabt edilen kocasında mehr-i müeccel alacağı olduğu İbrahim b. Mustafa ve Ali b. Mustafa nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, Mihr bt. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müdde‘iye-i merkūmenin, bundan akdem mahrûse-i Edirne mahallâtından Kurd Hoca mahallesinde fevt olan ve muhallefâtı Beytülmâl-i mezbûr tarafından zabt edilen ve öldüğünde taht-ı nikâhında bulunduğu el-Hâc Memi b. Hayreddin nâm zevcinin zimmetinde mehr-i müecceli cihetinden dört yüz akçe hakkı vardır. Verâseti mezbûre Mihr’e ve müteveffâ-yı mezkûrun diğer zevcesi Dilaram’a münhasırdır. Onlardan gayrı vârisi ma‘lûmumuz değildir. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim şehâdetleri mûcebince hükmetti. Cerâ zâlike ve hurrire fi’l-mezbûr Şuhûdü’l-hâl: Şuhûd a‘lâhu