Balat Mahkemesi 1 Numaralı Sicil (H. 964-965/ M. 1557-1558) cilt: 41, sayfa: 167 Hüküm no: 250 Orijinal metin no: [36b-5, Arapça] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Terekesi Beytülmâl tarafından zabt edilen el-Hâc Memi b. Hayreddin’in sağlığında Bosna asıllı câriyesini âzâd ettiği İbrahim b. Mustafa ve Ali b. Mustafa nâm kimseler emâcid-i mükerremîn defterdârlar nezdindeki dîvân-ı âlîye gelip mahmiye-i Kostantıniyye’de vâki‘ Beytülmâl-i hâs emîni fahrü’l-akrân Mehmed Çelebi b. Abdülkadir ve kâtibi Mehmed Çelebi b. Nasuh mahzarlarında, mahrûse-i Edirne mahallâtından Kurd Hoca mahallesinde fevt olan ve muhallefâtı Beytülmâl-i mezbûr tarafından zabt edilen el-Hâc Memi b. Hayreddin’in vasiyy-i muhtârı olan Ahter b. Abdullah’dan sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet eylediler ki, müteveffâ-yı merkum el-Hâc Memi, hâl-i hayâtı ve kemâl-i sıhhat ve aklında iken Bosnaviyyetü’l-asl, elâ gözlü, açık kaşlı, beyaz tenli, Gülahmer bt. Abdullah nâm câriye-i memlûkesini hasbeten lillâhi’l-azîm âzâd ve tahrîr eyledi. Câriye-i mezkûre bu sûretle sâir harâir-i asliyyât gibi hürre oldu. Şehâdeten sahîhaten şer‘iyyeten makbûleten ba‘de’t-ta‘dîli’ş-şer‘î ve’t-tezkiyeti’ş-şer‘iyye, hâkim şehâdetleri mûcebince hükmetti. Cerâ zâlike ve hurrire fi’l-mezbûr Şuhûdü’l-hâl: Şuhûd a‘lâhu