Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 152 Hüküm no: 154 Orijinal metin no: [30a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mihaliç kasabasında Çıra Pazarı’nda Altıntopoğlu’nun sahip olduğu fırın ve değirmen arsalarının ölümüyle beytülmâle kalması hakkında eksik kayıt Mübârek rikâb-ı kamer-tâb-ı husrevânîye takdîm olunan işbu arzuhâl zahrına sâdır buyrulan fermân-ı âlîlerine imtisâlen Anadolu’da Hüdavendigâr sancağında Mihaliç kasabasında Çıra Pazarı nâm mahâlde ma‘lûmü’l-hudûd bir bâb nân-ı azîz fırını ve ona merbût ve derûnunda üç horoslu değirmen ve ittisâlinde bir bâb simidçi fırını arsaları mukaddemâ Altıntopoğlu meşhûr bir zimmînin yedinde mülkü bin iki yüz on senesi hilâlinde mâliki mezbûr Altıntopoğlu arsa-i mezkûreyi senevî iki yüz guruş kirâ mukāvelesiyle Hıristo nâm zimmîye îcâr ve teslîm edip ol dahi istîcâr ve teslîm [tesellüm] ve kabûl ve üzerine nefsi için galle? olmak üzere kendi mâlıyla sâlifü’l-beyân iki bâb fırın ma‘a değirmeni binâ ve inşâ edip ürünüyle? te‘ayyüş ederken hâlik olup fırın ma‘a değirmen-i mezkûrlar sulbî oğulları Anaştaş ve Angeli zimmîlere kalıp onlar dahi herbiri müte‘âkıben hâlikler olduklarında mersûm Anastaş zimmînin nısf hissesi sulbî oğlu Dimitri zimmîye ve mesfûr Angeli zimmînin nısf hissesi sulbî oğlu Temliki? zimmîye kalıp iki yüz otuz beş senesi hilâlinde mezbûr Altıntop nâm zimmî dahi hâlik olup zâhirde vâris-i ma‘rûfu olmayıp terekesi cânib-i beytü’l-mâla âid olmağla fırın-ı mezkûr ma‘a değirmen arsalarını cânib-i beytü’l-mâlden semen-i ma‘lûme ile iştirâ ve kabz eden İbrahim nâm kimesne dahi bir müddet mürûrunda el-Hâc Hasan nâm kimesneye semen-i ma‘lûme ve makbûza bey‘ ve temlîk ve teslîm eylediğinde ol dahi temellük ve tesellüm ve kabûl ve işbu târihden sekiz sene mukaddem fevt olup sulbî oğlu Mustafa nâm kimesneye mevrûs olmağla beher sene kirâ-yı kadîmleri olan ikişer yüz guruşu gerek mâlikleri taraflarına edâda kusûrları yoğiken işbu târihden beş sene mukaddem mersûmân Dimitri ve Temliki? zimmîler sıla-i rahm için vilâyetlerine gidip ve üzerine bıraktıkları bir zimmîyi arsa-i mezbûre mâliki mezbûr Mustafa tard ve ihrâc dâ‘iyesiyle ve derûnunda (...). [Kayıt burada sona ermektedir.]