Anadolu Sadareti Mahkemesi 1 Numaralı Sicil (H. 1247-1250/ M. 1831-1834) cilt: 93, sayfa: 153 Hüküm no: 155 Orijinal metin no: [30a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kars muhafızı Ahmed Paşa’nın Kars’ta yaptırdığı dükkânların kiralarının Hocazâde el-Hâc Şerif Camii’nin mürtezikasına verilmesi Sâdır olan fermân-ı âlîlerine imtisâlen işbu Kars muhâfızı izzetlü Ahmed Paşa hazretlerinin mâl hülâsasına nazar olundukda mahrûse-i mezbûrede vâki‘ Arabameydânı nâm mahâlde arsa-i hâliye hizâsında olan Taşmaslak ittisâlinde arsa-i mezkûra varacak tarîk ma‘rifet-i şer‘le tarh ve tayy olunarak tarîk-ı mezkûr ittisâlinde Köse Mehmed nâm kimesnenin berber dükkânı mukābiline varınca olan mahaller bir kimesnenin mahalleri olmayıp arz-ı hâlî olduğuna mebnî paşa-yı müşârün-ileyhin müceddeden on iki aded dükkân binâ ve inşâ edip kal‘a-i merkūme hâric-i sûrunda Hocazâde el-Hâc Şerif Câmi‘-i şerîfinin ehl-i mürtezikasının vazîfeleri kalîl olmağla dekâkîn-i mezbûrenin senevî icârâtı münâsafeten câmi‘-i şerîf-i mezkûrun ehl-i mürtezikasının vazîfelerine zam olunacağı meâl-i inhâdan müstefâd olmuş ise de mahâll-i mezkûr kadîmden berü arsa-i hâliye olup ahâlînin intifâsı için terk olunan mahalle dekâkîn-i mezkûrenin binâ ve inşâsı hilâf-ı şer‘-i şerîf olduğu huzûr-ı âlîlerine i‘lâm olundu. Fî 29 Ca sene [12]49