Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 62 Hüküm no: 18 Orijinal metin no: [4a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muhallefâtından kırk bin akçesi Beytülmâlce zapt edilen Sipahi Kemal b. Abdullah’ın mirasçılarının hak iddiasının kabulü Udûlden Mehmed b. Ömer ve Nurullah b. Şaban ve Ali b. Mustafa nâm kimesneler, Dîvân’da ikisi huzûrunda, Sitti bt. Mustafa kıbelinden da‘vâ ve kabza vekâleti sâbit olarak vekâleten ve Osman b. Kemal nâm sagīre kıbel-i şer‘den mansûb vasî olarak vesâyeten el-Hâc Muharrem b. ( )’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müvekkile-i mezbûre ve sagīr-i mezbûr mahmiye-i mezbûre mahallâtından Üsküblü mahallesinde mütemekkin iken yola revân olup Tosya’da vefât eden ve muhallefâtından dört bin altı yüz otuz beş akçesi zeyilde mezkûr senenin Rebî‘ulevvel ayının yirmi yedinci günü kasaba-i mezbûre kadısı Mevlânâ Eyüb yediyle zapt edilip Hazine-i âmire’ye aktarılan Sipâhi Kemal b. Abdullah’ın vârisleridir. Zira müvekkile-i mezbûre Sitti, mezbûr Kemal öldüğünde onun taht-ı nikâhındaki zevcesi idi. Sagīr-i mezbûr da müteveffâ-yı mezbûrun sulbî oğludur. Müteveffâ-yı merkūmun verâseti ikisine münhasırdır. İkisinden başka vârisi ma‘lûmumuz değildir. Şehâdetleri ba‘de’t-ta‘dîli’ş-şer‘î ve’t-tezkiyeti’ş-şer‘iyye inde’ş-şer‘ mu‘teber ve makbûl oldukdan sonra mûcebince hükmedildi. Cerâ zâlike ve hurrire fi’l-mezbûr. Şuhûdü’l-hâl: Ferhad b. Abdullah, Cafer b. Abdullah