Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 62 Hüküm no: 19 Orijinal metin no: [4a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kelâm-ı Kadîm hediyesinden doğan alacağın tahsil olunduğu Ali Bey b. Abdullah nâm sipâhi meclis-i şer‘de Sağrıcıbaşı Hasan Bey b. Hamza kıbelinden husûs-i âtîye vekâleti sâbit olan mezbûr Hasan’ın şâkirdi Ali b. Doğan nâm sağrıcı mahzarında ikrâr ve takrîr-i merâm edip mezbûrân Hasan oğlu nâm sağrıcılarda Kelâm-ı kadîm-i şerîf hediyesinden olan yirmi bin akçe ve yüz akçenin on dört bin akçesin mezbûr Hasan’dan ve dört bin akçesin şâkirdânından bi’t-tamâm alıp kabz eyledim. Ve mezbûrların zimmetlerini cemî‘ da‘vâdan ve eymân ve muhâsamâtdan umûmen, husûsen Kelâm-ı kadîm-i şerîf hediyesine müte‘allik olan da‘vâdan ibrâ-i âmla ibrâ ve iskāt eyledim dedikde [4b] mukırr-ı mezbûru mezkûr Sağrıcı Ali bi’l-muvâcehe tasdîk ve ibrâsını kabûl edicek mâ vaka‘a bi’t-taleb kayd olundu. Tahrîren fî evâhiri âhiri’r-rebî‘ayn sene 9[70]. Şuhûdü’l-hâl: Hüseyin Çelebi b. Ali, Behrâm b. Abdullah, Mehmed b. Ali, Mehmed el-müezzin ve gayruhüm