Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 77 Hüküm no: 43 Orijinal metin no: [9a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fazla alınan avârızın İstanköy kazâsı ahâlisine iadesi Dergâh-ı âlî çavuşlarından Malkoç Çavuş b. Abdullah nâm kimesne sâbıkan İstanköy kadısı olan Mevlânâ Pîr Ahmed b. Yusuf mahzarında ikrâr ve takrîr-i merâm edip sâbıkan kadı-yı mezbûr İstanköy kazâsında olan avârızı cem‘ eyleyip Hızâne-i âmireye teslîm ettikde otuz filori ziyâde gelip kadı-yı mezbûrdan hâlâ zikr olunan otuz filoriyi zikr olunan kazânın re‘âyâsına îsâl için Mevlânâ-yı mezbûrun yedinden bi’t-tamâm ve’l-kemâl alıp kabz eyledim dedikde mukırr-ı mezbûru mevlâna-yı mezbûr bi’l-muvâcehe tasdîk edicek mâ vaka‘a bi’t-taleb kayd olundu. Tahrîren fî evâsıtı Cumâdelûlâ sene 970. Şuhûdü’l-hâl: Mevlânâ Hasan b. Hüseyin, Mehmed Çelebi b. Osman, Ahmed b. Süleyman, Abdi Çelebi b. Haydar ve gayruhüm