Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 86 Hüküm no: 66 Orijinal metin no: [12a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kerime bt. Lütfi ve Saadet bt. İshak’ın Mustafa b. Abdullah adlı yeniçeriden ödünçten alacaklı oldukları Kerime bt. Lütfi ve Saadet bt. İshak nâm hâtunlar, Yeniçeriler zümresinden Mustafa b. Abdullah nâm yeniçeriyi meclis-i şer‘a ihzâr ve mahzarında mezbûre Kerime takrîr-i da‘vâ edip bundan [akdem] mezbûr Yeniçeri zevcim iken altı bin akçe karz verdim idi. Hâlâ taleb ederim deyip mezbûre Saadet dahi yirmi yedi altun karz vermiş idim. Taleb ederim deyû da‘vâ eylediklerinde gıbbe’s-suâl mezbûr yeniçeri dahi ikrâr edip fi’l-vâki‘ var idi. Lâkin mezbûre ile halefi okuşub meblağ-ı mezbûrları ibrâ ve iskāt eylediler; hüccetim vardır deyû hüccet ibrâz edip mazmûnun isbât eyle denildikde mehil verilip hüccetin mazmûnun isbât etmekten âcizler olacak kendi ikrârı mûcebiyle meblağ-ı mezbûrun edâsına hükm olundu. Tahrîren fî 5 Cumâdelâhire sene 970. Şuhûdü’l-hâl: Mevlânâ Nebi b. Bâli el-kādî, Mustafa b. Mahmud bölükbaşı, Mevlânâ Osman b. Hasan, Muslihiddin b. ( ), Mustafa b. Abdullah