Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 86 Hüküm no: 67 Orijinal metin no: [12a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Muslihiddin b. Abdullah’ın Hızır Bey mahallesindeki evini bey‘ bi’l-istiğlâl ile Mevlânâ Muhyiddin evkâfına sattığı Muslihiddin b. Abdullah, âti’z-zikr menzilini, Kadızâde diye meşhûr merhûm Mevlânâ Muhyiddin evkāfına mütevellî olan Eynehan b. Abdullah’a bey‘ ettiğini ikrâr ve itirâf etti. Mütevellî-i mezbûr da vakf-ı mezbûr malıyla ve istiğlâl maksadıyla mezbûr Muslihiddin’in iş bu akdin kendilerinden sudûruna kadar sâhibi ve mâliki olduğu, mahmiye-i Kostantıniyye mahallâtından Hızır Bey mahallesinde vâki‘, bir tarafdan Fâtıma Hâtun bt. Abdullah mülkü, iki tarafdan tarîk-i âm ve diğer tarafdan da tarîk-i hâs ile mahdûd mülk menzilini cümle hudûdu ve kâffe-i hukūku ile râyicü’l-vakt beş bin akçe semen-i mu‘ayyen-i makbûzla andan iştirâ etti. Bâyi‘-i mezbûrun menzil-i mezbûru kirâlamak istemesi üzerine mütevellî-i mezbûr, zeyilde mezkûr ayın gurresinden bir sene tamâmına beş yüz akçe ücret-i kirâ ile menzili ana kirâladı. Mütevellî-i mezbûr, vâki‘ ikrârı bi’l-muvâcehe tasdîk etti. Mehmed b. Ali ve Emirza b. Mustafa nâm kimesnelerin her biri, menzil-i mezbûrun derkine ve ücret-i kirâya îcâb ve kabûlü hâvî kefâletle kefîl oldu. Cerâ zâlike ve hurrire fî 5 Cumâdelûlâ sene 970. Şuhûdü’l-hâl: Ferha[d] b. Abdullah, Mehmed b. Abdullah, Emrullah b. Mustafa, Mehmed b. Abdullah, Receb b. Kubaş