Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 87 Hüküm no: 69 Orijinal metin no: [12b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Taşçı Hasan b. Abdullah ile İlyas Çavuş b. Ahmed’in taş bedelinden kaynaklanan ihtilafta sulh oldukları Taşçı Hasan b. Abdullah nâm kimesne fahrü’l-emâsil ve’l-akrân İlyas Çavuş b. Hasan nâm kimesne mahzarında ikrâr ve takrîr-i merâm edip mezbûr çavuşun zimmetinde taş bahâsından on dört bin dört yüz akçem var idi. Hâlâ zikr olunan on dört bin dört yüz akçeyi bi’t-tamâm ve’l-kemâl mezbûr çavuşun yedinden alıp kabz edip ve mezbûr çavuşun zimmetini cemî‘-i da‘vâdan ve eymân ve muhâsamâtdan umûmen, husûsen taş bahâsına müte‘allik olan da‘vâdan ibrâ-i âm ile ibrâ ve iskāt eyledim dedikde mukırr-ı mezbûru mezbûr Çavuş bi’l-muvâcehe tasdîk edicek mâ vaka‘a bi’t-taleb kayd olundu. Tahrîren fî evâili Cumâdelâhire sene 970. Şuhûdü’l-hâl: Şeyh Üveys b. Alâaddin, Mehmed b. Kasım, Yusuf b. Abdullah, Ramazan b. İsa, Numan b. İbrahim, Ahmed b. Abdullah