Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 101 Hüküm no: 96 Orijinal metin no: [18a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nasûh Bey vakfı mütevellîsinin hesaplarının tahkiki Merhûm Nasûh Bey’in evkāfına bilfiil mütevellî olan Bedreddin b. İlyas nâm kimesne meclis-i şer‘-i şerîfde evkāf-ı mezbûreye bilfiil hasbî nâzır olan Mevlânâ Cafer Çelebi mahzarında ikrâr ve takrîr-i merâm edip ibdâ-yı tevliyetimden ile’l-ân muhâsebem görülüp zimmetimde yetmiş dört bin akçe zuhûr edip ve altı bin akçe dahi vakf-ı mezbûrun rakabesinin noksanı tekmîl olunmadın feth etmem ile vakf-ı mezbûre altı bin akçe küsûr gelmiş idi. Zikr olunan altı bin akçeyi her bir yılda bin akçe vermek üzre iltizâm eyledim dedikde mukırr-ı mezbûr, mezkûr nâzırı bi’l-muvâcehe tasdîk edicek mâ vaka‘a bi’t-taleb kayd olundu. Tahrîren fî evâhiri Cumâdelâhire sene 970. Şuhûdü’l-hâl: Ahmed b. Süleyman, Mehmed Çelebi b. Süleyman, Mevlânâ Abdüllatif b. Ali