Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 161 Hüküm no: 206 Orijinal metin no: [39b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Paşa’nın muhallefâtından sadık hizmetkârlarına verilecek hisseye dâir Sebeb-i tahrîr-i hurûf oldur ki merhûm mağfûrun-leh İbrahim Paşa’nın muhallefâtını zabta vasiyy-i muhtâr olup ve vesâyeti Mevlânâ Hüseyin b. Mustafa ve el-Hâc Mehmed b. Ahmed ve Mustafa b. Ali el-kāid ve Ahmed b. Abdullah es-sipâhi ve Hasan b. Abdullah el-bevvâb nâm kimesneler şehâdetleriyle sâbit olan umdetü’l-mukarrebîn Yakub Ağa b. Abdülmu‘în nâm kimesnenin kıbelinden fahrü’l-müderrisîn Harun Efendi b. Abdülmu‘în ve Mahmud Bey b. Abdullah ez-za‘îm nâm kimesneler şehâdetleriyle vekâleti sâbit olan Mustafa b. Ömer nâm bevvâb-ı hâkānî mahzarında merhûm-ı mezbûrun kullarından Mustafa b. Abdullah ve Hasan b. Abdullah ve İdris b. Abdullah ve Hüseyin b. Abdullah nâm kimesnelerden takrîr-i kelâm edip merhûm-ı mezbûr ben ölünceye dek benim yanımda olan kulların her birine küçüğüne ve büyüğüne malımdan on yedi filori verile deyip fevt olup hâlâ mezkûr on yedişer filori hakkımızdır taleb ederim dedikde gıbbe’s-suâl ba‘de’l-inkâr müdde‘î-i mezbûrdan beyyine taleb olundukda udûl-ı müslimînden mezbûrûn şâhidler şehâdet eyleyip mûcebiyle hükm olundu Şuhûdü’l-hâl: ( )