Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 162 Hüküm no: 207 Orijinal metin no: [40a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İbrahim Paşa’nın alacağının Sinan Bey’den tahsil edildiğine dâir Mezbûr Mustafa b. Ömer nâm kimesne meclis-i şer‘-i şerîfde Sinan Bey b. Abdullah nâm silâhî mahzarında takrîr-i da‘vâ edip merhûm ve mağfûrun-leh İbrahim Paşa’nın at bahâsından mezbûr Sinan’ın zimmetinde beş yüz akçesi vardır müvekkilim mezbûr Yakub Ağa merhûm-ı mezbûrun vasîsi ve odabaşı olmağla nâzırı olduğu ecilden meblağ-ı mezbûru vekâletim ile taleb ederim dedikde gıbbe’s-suâl mezbûr müdde‘â aleyh müdde‘î-i mezbûrun müvekkilinin vesâyetini ve nezâretini inkâ[r] edicek müdde‘î-i mezbûrdan beyyine taleb olundukda udûl-ı müslimînden mezkûrûn şâhidler şehâdet-i şer‘iyye edip şehâdetleri ba‘de’t-ta‘dîli’ş-şer‘î ve’t-tezkiyeti’ş-şer‘iyye hayyiz-i kabûlde vâki‘ olup mûcebiyle hükm olundu. Şuhûdü’l-hâl: ( )