Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 162 Hüküm no: 208 Orijinal metin no: [40a-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İskenderiye sancakbeyi Cafer Bey’in, kardeşi Fîrûz Ağa’nın evkâfına mütevellî nasb edildiği Murad Bey b. Abdullah, Sefer b. İskender, Hasan b. Mustafa ve Ahmed b. Abdullah nâm kimesneler, umdetü’l-emâcid ve’l-ekârim zübdetü’l-ekâbir ve’l-efâhim hazinedâr Sinan Ağa b. Abdülmu‘în Reis ve Kilerci başı Yusuf Ağa b. Abdurrahman’ın işhâdıyla âti’z-zikr olan evkāfa nâzır olan fahrü’l-havâs ve’l-mukarrebîn sâhibü’l-ızz ve’t-temekkün zü’l-kadri’r-refî‘ ve’l-câhi’l-menî‘ el-mahfûf bi sunûfi avâtıfı’l-meliki’l-mennân Bölükbaşı Yakub Ağa b. Abdullah kıbelinden istimâ‘-ı da‘vâya vekîl edilen kıdvetü’l-ekâbir ve’l-a‘yân zübdetü’l-emâcid ve’l-erkân mîr-âhûr Ali Ağa b. Muslihiddin mahzarında, Abdü’ş-şekûr livâsı emîri fahrü’l-ümerâ’i’l-kirâm zahrü’l-küberâi’l-fihâm zi’l-kadri ve’l-ihtirâm Cafer Bey b. Abdüsselâm’dan sâdır olan da‘vâ-yı sahîha-i şer‘iyyede gıbbe’l-istihâd şöyle şehâdet edip dediler ki, şâhidân-ı mezkûrân şehâdetlerine bizi şâhid tutup bizim yanımızda dediler ki müdde‘î-i mezkûrun kardeşi olan merhûm-i mebrûr Fîrûz Ağa b. İskender vakıflarından bir kısmını vakfedip tebdîl ve tağyîri müddet-i hayâtınca nefsine şart etti sonra bu şart îcâbı cemî‘ evkāfında vakıf mallarını dilediği vechiyle ve dilediği vücûh-i hayrâta sarf etmek üzre tasarruf-i şer‘îyi kardeşi müdde‘î-i mezbûra tefvîz etti. Biz de şâhideyn-i mezbûreynin şehâdetine şâhidlik ederiz. Şehâdetleri ba‘de şerâiti’l-kabûl inde’ş-şer‘ mu‘teber ve makbûl oldukdan sonra mûcebince hükmedildi. Cerâ zâlike ve hurrire fî evâili şehri Ramazan sene seb‘în ve tis‘a mie Şuhûdü’l-hâl: Mevlânâ Kutbeddin b. Abdüssettâr ve Ali b. Seydi Ahmed