Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 163 Hüküm no: 210 Orijinal metin no: [40b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Mustafa’nın Mevlânâ Mehmed’den alacağını tahsil ettiği Mehmed b. Mustafa nâm kimesne meclis-i şer‘-i şerîfde Mevlânâ Mehmed b. Mustafa nâm kimesne mahzarında takrîr-i da‘vâ edip babam mezbûr Mustafa mezkûr Mevlânâ’ya beş bin akçe karz ver[miş] ve beş yüz akçe dahi çuka bey‘ eylemiş hâlâ zikr olunan meblağı taleb ederim dedikde gıbbe’s-suâl ba‘de’l-inkâr müdde‘î-i mezbûrdan beyyine taleb olundukda udûl-i müslimînden Mehmed b. Hasan ve Hasan b. Abdullah ve Mevlânâ Abdülkerim b. Hızır nâm kimesneler mezbûr Mevlânâ Mehmed zikr olunan meblağ zimmetimdedir deyû ikrâr ettiğine biz şâhidleriz şehâdet dahi ederiz deyû edâ-yı şehâdet-i şer‘iyye ettiklerinde şehâdetleri ba‘de’t-ta‘dîli’ş-şer‘î ve’t-tezkiyeti’ş-şer‘iyye hayyiz-i kabûlde vâki‘ olup mûcebiyle hükm olundu. Sümme ekarra Mehmed b. Mustafa el-mezbûr bi ennehû kad ehaze cemî‘a’l-meblaği’l-mezbûr minhu tâmmen kâmilen ikrâren sâhihan şer‘iyyen musaddakan minhu vicâhen (Sonra mezbûr Mehmed b. Mustafa, cemî‘ meblağ-ı mezbûru tâm ve kâmil olarak andan aldığını ikrâr etti.) Şuhûdü’l-hâl: Abdurrahman b. Aydın, Mazhar b. Mahmud, Alâaddin Ali