Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 164 Hüküm no: 211 Orijinal metin no: [40b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Emine bt. Ferhad’ın süt kardeşi olduğundan dolayı kocasıyla nikâhının feshedildiği Emine bt. Ferhad Bey nâm hâtun Mahmud Bey b. Abdullah nâm kimesnenin oğlu Mehmed nâm sagīre kıbel-i şer‘den vasî olan mezbûr Mahmud Bey’in karındaşı Mustafa mahzarında takrîr-i da‘vâ edip bundan akdem mezbûr Mahmud Bey bana on bin akçeye nikâh edip benim reda‘dan karındaşım idiği sâbit olup nikâh fesh olundukda mehr-i mislim sekiz bin akçe taleb ederim dedikde gıbbe’s-suâl mezbûr Mustafa Bey dahi mezbûr hâl-i hayâtında nikâh eyledikde nikâhı sahîh zann edip sekiz bin akçe mehr-i mu‘accel verdi deyicek mezbûre Fâtıma hâtun mehr-i mu‘accel sekiz bin idüğün inkâr edip dört bin akçedir deyicek gıbbe’s-suâl ba‘de’l-inkâr beyyine taleb olundukda beyyineden âciz olup mezbûr hâtuna yemîn teklîf olundukda yemîn-i şer‘î edip ve la‘l yüzüğü dahi dört filoriye sattım deyip üç bin yedi yüz altmış akçe mezbûre hâtunun yemîniyle hükm olundu tahrîren fi’l-mezbûr. Şuhûdü’l-hâl: Ali b. Cafer Hasan b. Abdullah Mustafa b. Ahmed İsa b. Hoca Çavuş Üveys b. Abdullah Nasûh b. Durali