Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 164 Hüküm no: 212 Orijinal metin no: [41a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Bosnalı Süleyman adlı kölenin satışıyla ilgili anlaşmazlık Sinan b. Hisar Beyi nâm kimesne meclis-i şer‘-i şerîfde Bâli Bey b. Murad nâm kimesne mahzarında takrîr-i da‘vâ edip Süleyman b. Abdullah Bosnevî nâm mezkûra yetmiş filoriye bir oğlan bey‘ eyledim akçesin taleb ederdim dedikde gıbbe’s-suâl mezbûr müdde‘â aleyh dahi mezbûr gulâmı bana mezbûr müşterî getirdi göreyim dedim lâkin satın almadım dedikde müdde‘î-i mezbûrdan beyyine taleb olundukda udûl-i müslimînden Pîrî Reis b. Mehmed ve es-Seyyid Deniz b. es-Seyyid Bekir ve Hacı Kasım b. Hacı Mustafa ve İvaz b. Murad nâm kimesneler şehâdet-i şer‘iyye ettiklerinde mûcebiyle hükm olundu. Mezkûr-ı mezbûr Bâli Bey müdde‘î-i mezbûrdan semen-i mezkûra satın aldı deyû edâ Şuhûdü’l-hâl: Ali b. Mustafa, Ali b. İbrahim, el-Hoca Şaban b. Hasan