Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 165 Hüküm no: 214 Orijinal metin no: [41a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hayreddin kızı Emine’nin arazisinin satışı ve bedelinin tahsili Emine bt. Hayreddin nâm kimesne Ali Çavuş b. Hayreddin mahzarında ikrâr ve takrîr-i merâm edip bundan akdem Yalakâbâd kazâsında Çalıcı nâm karyede İskender Çayırı demekle ma‘rûf ve tahdîdden ganî olan bir kıt‘a çayırı ve mâ-beynlerinde ma‘lûm olup mezkûr Ali Çavuş’un yedinde olan bir evlek çatmayı dört ay va‘de ile sene 968 Şa‘bânının on beşinden sekiz yüz akçeye satıp ve meblağ-ı mezbûre emriyle Ali b. Abdullah nâm yeniçeri kefîl bi’l-mâl olmuş idi, hâlâ meblağ-ı mezbûru mezbûr Ali Çavuş’un yedinden bî-kusûr alıp kabz eyledim zikr olunan çayır ve çatma bahâsından mezbûr asıl ve kefîlde bir habbem bâkī kalmadı dedikde mukırr-ı mezbûru mezkûr Ali Çavuş bi’l-muvâcehe tasdîk edicek mâ-vaka‘a bi’t-taleb kayd olundu. Tahrîren fî 21 Ramazan sene 970. Şuhûdü’l-hâl: Hasan b. Adil, Halil b. Mehmed, Ferruh b. Abdullah, Ahmed b. Süleyman Fi’l-yevmi’r-râbi‘ aşara min Ramazan sene 970.