Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 165 Hüküm no: 215 Orijinal metin no: [41b-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Ahmed’in, Sinan b. İskender’in amca oğlu ve vârisi olduğu İskender b. Abdi, Süleyman b. Hamza, Ahmed b. Süleyman ve Hüseyin b. Abdullah nâm kimesneler, mahmiye-i Kostantıniyye’de vâki‘ Beytülmâl-i râcilin emîni Ahmed Bey b. İskender mahzarında, Piremedi kazâsı tevâbi‘inden Sincan karyesinde mütemekkin olan Mehmed b. Ahmed’den sâdır olan da‘vâ-yı sahîha-i şer‘iyyede gıbbe’l-istişhâd şöyle şehâdet ettiler ki, müdde‘î-i mezkûr, Bahşî? subaşı bölüğü diye ma‘rûf otuz yedinci râcilin bölüğü râcillerinden olup bundan akdem mahmiye-i merkūmede vefât eden ve muhallefâtından on iki bin yedi yüz akçesi Beytülmâl-i mezkûr için zapt edilen Râcil Sinan b. İskender’in vârisidir. Zira müdde‘î-i mezkûr, müteveffâ-yı mezbûrun amca oğludur. Müdde‘înin babası mezkûr Ahmed, mezbûr İskender’in ana-baba bir kardeşidir. Verâseti ana münhasırdır. Andan başka vârisi ma‘lûmumuz değildir. Müdde‘î-i mezkûrun, günün kazâ-yı mezbûr kadısı olan Mevlânâ Mustafa b. Mahmud kıbelinden vârid olan mazmûnu bimâ hüve tarîki’s-sübût şer‘an sâbit ve muhtevâsı kaziyye-i mahkiyeyi nâtık hücceti ibrâz etmesinin ve şâhidlerin şehâdetlerinin ba‘de’t-ta‘dîli’ş-şer‘î ve’t-tezkiyeti’ş-şer‘iyye inde’ş-şer‘ mu‘teber ve makbûl olmasının ardından mûcebince hükmedildi. Şuhûdü’l-hâl: Fethi b. Mezid, Sinan b. Abdullah