Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 177 Hüküm no: 239 Orijinal metin no: [45a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hüseyin kızı Fahrünnisâ Hanım’ın babasının mirasından intikal eden meblağı aldığı Fahrünnisâ bt. Hüseyin nâm hâtunun kıbelinden husûs-ı âtîye bimâ-hüve tarîki’s-subût şer‘an vekâleti sâbit olan kapıcı Mehmed b. Abdullah nâm kimesne Mehmed b. Ali nâm kimesne mahzarında ikrâr ve takrîr-i merâm edip bundan akdem mezbûre Fahrünnisâ sagīre iken, fevt olan ebesi babasının anası Hûbân bt. Mehmed Pirinçci mahallesinde sâkine iken, pâdişâh-ı âlem-penâh müezzinlerinden babası fevt olmağın mezbûr Mehmed vasiyy-i muhtâr olup mezbûre Hûbân hâtundan intikāl iden meblağı alıp kabz etmiş idi hâlâ mezbûr Mehmed’in yedinden dört bin akçe nakid ve sekiz yüz akçelik esbâb alıp kabz eyledim dedikde mukırr-ı mezbûru mezbûr Mehmed bi’l-muvâcehe tasdîk edicek mâ-vaka‘a bi’t-taleb kayd olundu. Tahrîren fî evâhiri şehri Ramazan sene 970. Ve mezbûrenin akçesinden dört bin akçenin iki bin akçesin şimdi ve iki bin akçesin gelecek Ramazanın evâhirinde veririm dediği mâ hüve bi’t-taleb kayd olundu. Ol iki bin akçeyi alıp kabz eylediğine mezbûr vekîl ikrâr eyledi ve tasdîk olundu. Şuhûdü’l-hâl: Nasûh Bey b. Abdullah, İbrahim b. Mustafa, Mustafa b. Abdullah, Hacı Sinan b. Abdullah, Alâaddin Halil el-imâm, İsmail b. Abdurrahman el-hatîb, Hasan b. Abdullah, Hâce Ramazan b. Hâce, Mustafa b. Eğlence, Hasan b. Musa