Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 177 Hüküm no: 238 Orijinal metin no: [45a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Karagöz adlı Ermeni’nin alacaklı olduğu Musa Kethüdâ’nın ortadan kaybolması üzerine kefili Cafer Kethüdâ’yı dava etmesi Karagöz b. Mençegen nâm Ermeni, İskender Paşa’nın kapı kethüdâsı olan Cafer Bey b. Abdullah nâm kimesneyi meclis-i şer‘a ihzâr edip Musa kethüdâ ile bazı husûmetim olup iki yüz filori taleb eyledim idi mezbûr Cafer nefsine kefîl olup gayb eyledi hâlâ mezbûrdan merkūm Musa kethüdâyı taleb ederim dedikde gıbbe’s-suâl mezbûr Cafer Bey fi’l-vâki‘ mezbûr Musa kethüdânın nefsine kefîl oldum iki ay mehil versin bulayım deyip târih-i kitâb gününden mezbûr Cafer’e mehil verilip ve mezbûr Cafer’in nefsine dergâh-ı âlî çaşnigirlerinden Hasan Ağa b. Yunus nâm kimesne kefîl olup mâ vaka‘a bi’t-taleb kayd olundu. Tahrîren fî evâhiri Ramazan sene 970. Şuhûdü’l-hâl: Ahmed b. Süleyman, Hacı Abdullah b. Abdullah, Hasan b. Adil