Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 190 Hüküm no: 264 Orijinal metin no: [49b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İlyas adlı yeniçerinin bir zimmîye iki dönüm arazisinin tasarruf hakkını devri Sebeb-i tahrîr-i hurûf oldur ki, Görice kazâsı tevâbi‘inden karye-i Gosomova’dan İlyas b. Abdullah nâm yeniçeri karye-i mezbûre ahâlîsinden Gün v. Yayasın nâm zimmî mahzarında ikrâr ve takrîr-i merâm edip karye-i mezbûre sınırında vâki‘ olup bir tarafdan Novak v. Andriye ve bir tarafdan Oruc b. Hızır ve bir tarafdan Pervâne b. Abdullah ve bir tarafdan tarîk-i âm ile mahdûd olan tahmînen iki dönüm mezra‘anın hakk-ı tasarrufu mezbûr Gün’e tefvîz edip mukābelesinde yedi yüz akçe mezbûr Gün yedinden alıp kabz eyledim dedikde mukırr-ı mezbûru mezbûr Gün bi’l-muvâcehe tasdîk edicek mâ-vaka‘a bi’t-taleb kayd olundu. Tahrîren fî evâsıtı Şevvâl sene 970. Şuhûdü’l-hâl: Şuhûd-ı a‘lâhu, Oruc b. Timur, Hasan b. Abdullah ehu’l-bâyi‘i’l-mezbûr