Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 193 Hüküm no: 270 Orijinal metin no: [50b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kendisine köle diye satılan Rıdvan’ın hür olduğunun anlaşılması üzerine Mustafa Bey’in parasını talebi Ramazan b. Mustafa nâm kimesne meclis-i şer‘de Mustafa Bey b. Abdullah es-silâhî mahzarında takrîr-i kelâm edip mezbûr Mustafa’dan orta boylu açık kaşlı kara gözlü sol kulağında kesiği var Rıdvan nâm gulâmı yüz yirmi beş altına satın almış idim hâlâ zikr olunan gulâm hürrü’l-asl çıkıp semenini mezbûrdan taleb ederim dedikde gıbbe’s-suâl ikrâr ile cevâb verip mezbûr rücû‘ edicek dokuz filoriden mâ‘adâsın alıp kabz eyledi ve mezbûr Mustafa’nın dahi el-Hâc Mehmed b. el-Hâc Pîr De[de]’yi getirdi zikr olunan gulâmı mezbûr el-Hâc Mehmed’den bir câriye ile yirmi beş filoriye satın aldım dedikde mezbûr el-Hâc Mehmed dahi tasdîk edip meblağ-ı mezbûr mezbûr el-Hâc Mehmed’den hükm olundu. Fî ( ) Şuhûdü’l-hâl: Şuhûd a‘lâhu