Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 240 Hüküm no: 365 Orijinal metin no: [66a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Derviş b. Kara Bâli’nin Osman Bey ile olan timar ihtilafında sulh olduğu Prizren Sancağı’nda Priştine nâhiyesinde timara mutasarrıf olan Derviş b. Kara Bâli nâm kimesne erbâb-ı zu‘amâdan nâhiye-i mezbûrede ze‘âmete mutasarrıf olan Osman Bey b. Yunus nâm za‘îm mahzarında ikrâr ve takrîr-i merâm edip mezbûr za‘îmin benim timarıma muttasıl ze‘âmeti olup bazı nesnemi kabz etmekle mâbeynimizde münâza‘ât-ı kesîre vâki‘ olmuş idi, hâlâ mezbûr za‘îm ile bin altı yüz akçeye sulh edip ve bedel-i sulh olan meblağı mezbûr za‘îm yedinden bî-kusûr alıp kabz eyledim dedikde mukırr-ı mezbûru mezkûr Osman Bey bi’l-muvâcehe tasdîk edicek mâ-vaka‘a bi’t-taleb kayd olundu. Tahrîren fî evâsıtı Zilhicce sene 970. Şuhûdü’l-hâl: İspirî b. Mehmed Çavuş, Ahmed Halîfe b. Abdullah, Perviz b. Abdullah