Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 241 Hüküm no: 368 Orijinal metin no: [66b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Abdi b. Süleyman’ın muhallefâtından karısı Nisâ bt. Süleyman’ın mehir talebi İstanbul’da Hacı Yunus Mahallesi’nde mütemekkin olan Abdi b. Süleyman nâm kimesne Elkas seferinde fevt olup mahalle-i mezbûrede olan evleri hâlâ beytülmâl için zabt olunup kırk altı bin yedi yüz otuz akçeye bey‘ olundu. Hâlâ mahalle-i mezbûrede mütemekkin olan Nisâ bt. Süleyman gelip müteveffâ-yı mezbûr benim zevcimdir taht-ı nikâhında idim mehr-i müeccelimden dört bin akçe hissem üzerinde kaldı ve rub‘ hissem taleb iderin dedikde Ahmed b. el-Hâc Hüseyin ve Memi b. el-Hâc Hüseyin ve Sâlih b. Kābil şehâdetleriyle ve Ahmed Çelebi b. Said ve Ahmed b. Mustafa tezkiyeleriyle hükm olundu. Fî 15 Şevvâl sene 970. Şuhûdü’l-hâl: ( )