Balat Mahkemesi 2 Numaralı Sicil (H. 970 - 971 / M. 1563) cilt: 11, sayfa: 241 Hüküm no: 367 Orijinal metin no: [66a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı İsa b. Zeyneddin’in muhallefâtından iki bin akçeyi eşi ve çocuklarının aldığı Bundan akdem Köprülü kazâsında fevt olup verâseti zevcesi Hacı Bula bt. Abdi nâm hâtuna ve oğulları Mehmed ve Seydi Ahmed nâm sagīrlere ve kızı Hatice nâm sagīreye münhasıra olan Hacı İsa b. Zeyneddin nâm kimesnenin veresesinden mezbûre sagīrlere kıbel-i şer‘-i şerîfden vasî ve mezbûre Hacı Bula’nın vekîli olup vekâlet ve vesâyet-i mahkiyesi bimâ hüve tarîki’s-sübût şer‘an sâbit olan Musa Fakīh b. Zeyneddin nâm kimesne mahrûse-i Üsküb’de beytülmâl emîni olan Mehmed Çelebi b. Mustafa mahzarında ikrâr ve takrîr-i merâm edip sâbıkan mezbûr Hacı İsa fevt oldukda merkūm Mehmed Çelebi beytülmâl-i mezbûr için dört bin altı yüz akçesin kabz edip bazı harc-ı ma‘kūle ve dükkânîye sarf edip ve mezbûr müteveffânın muhallefâtından kabz ettiği meblağ kuruş olup akçeye sarf olunur oldukda bir mikdâr andan kesr gelip ve bi’l-cümle meblağ-ı mezbûrdan ancak yedinde iki bin akçe bâkī kalıp hâlâ zikr olunan iki bin akçeyi mezbûr Mehmed Çelebi yedinden bî-kusûr alıp kabz eyledim dedikde mukırr-ı mezbûru mezkûr Mehmed Çelebi bi’l-muvâcehe tasdîk edicek mâ-vaka‘a bi’t-taleb kayd olundu. Fi’l-mezbûr. Şuhûdü’l-hâl: Hüseyin b. Mahmud, Mahmud b. el-Hâc Mehmed, Derviş b. Süleyman, Mustafa b. Abdullah